• 345
  recto
• 345
  verso

Type:Institutional record
Language:Latin
Transcription Author: D.E. McLellan
Transcription Date: 2005-01-01
Published: yes
Publication Details: Published by L. Fumi, Il Duomo di Orvieto e i suoi restauri, Rome, 1891, pp. 406-07, doc. CLVI and R. Vischer, Luca Signorelli und die Italianische Renaissance, eine Kunsthistorische Monographie, Leipzig, 1879, pp. 347-8; new transcription by D.E. McLellan, Luca Signorelli’s Last Judgement Fresco Cycle at Orvieto: An Interpretation of the Fears and Hopes of the Comune and People of Orvieto at a Time of Reckoning, unpublished doctoral thesis, Melbourne University, 1992, no. 354.

Last modified 2005-12-23 02:19:44.559644+00:00

• Transcription

Locatio cappelle nove magistro Luce

In nomine domini amen. Anno domini millesimo quatracentesimo nonagesimo nono, indictione secunda, tempore pontificatus sanctissimi in Christo patris et domini nostri domini Alexandri divina providentia pape sexti, die vero quinta mensis Aprilis. Premissis ratiociniis et deliberationibus magnificorum dominorum conservatorum superstantium et aliorum civium, spectabilis vir Placidus Oddi, mercator et civis urbevetanus, honorabilis camerarius operis et fabrice Sancte Marie maioris de Urbeveteri, dicto nomine locavit et accoctimavit, cessit et concessit excellentissimo magistro pictori magistro Luce de Cortona presenti et conducenti ad pingendum voltas cappelle nove site in dicta ecclesia, videlicet celum voltarum predicte cappelle et arcus usque ad peduccios arcorum cum his conventionibus et conditionibus videlicet: quod dictus camerarius, nomine dicte fabrice, teneatur et sic promisit fieri facere pontes et dare calcem et arenam, et dare eidem magistro Luce aurum et azurum expedientem pro picturis fiendis in dictis voltis, et dare et consignare domum et stantiam pro habitatione dicti magistri Luce et etiam lectum. Item dictus magister teneatur, et sic promisit, pingere dictas voltas dicte cappelle de figuris et hystoriis dandis et consignandis ac declarandis per dictum camerarium, et complere partem dictarum voltarum inceptarum pingi, et pingere arcus dictarum voltarum et vacua usque ad dictos piduccios, et dictos piduccios, omnibus et singulis expensis dicti magistri omnium et singulorum colorum et manufacturarum ipsius magistri Luce et ita et taliter facere quod omnes volte arcus et vacua sint picti. Item dictus magister Lucas teneatur et sic promisit incipere dictum laborerium et picturas in die vigesima quinta mensis Maii proxime futuri, et laborare et pingere per totam estatem, quo usque pingi poterit. Item quod teneatur dictus magister Lucas et sic promisit pingere, manu propria, omnes figuras fiendas in dictis voltis et maxime facies et omnia membra figurarum omnium a medio figure supra et quod non possit pingi sine eius presentia sive voluntate et licentia ipsius camerarii. Item quod teneatur omnes colores mittendos per ipsum magistrum Lucam mittere bonos perfectos et pulcros. Item quod dictus magister Lucas teneatur et sic promisit facere omnes figuras bonas, pulcras et ad perfectionem et meliores vel saltim pares, conformes et similes aliis figuris que sunt ibi in dicta cappella nova, ad judicium tamen cuiuslibet boni et periti magistri. Et dictus camerarius, nomine dicte fabrice, promisit eidem magistro Luce, pro eius mercede picturarum et omnium et singulorum mittendi et faciendi in dictis picturis, dare et solvere ducatos centum octuaginta ad rationem decem et octo grossorum pro quolibet ducato de tempore in tempus secundum eius expedientiam et indigentias prout pinget pro rata, cum hoc quod camerarius semper habeat in manu ducatos