• 15
  verso
• 16
  recto

Type:Institutional record
Language:Latin
Transcription Author: Tom Henry
Transcription Date: 2009-03-24
Published: yes
Publication Details: Published by L.D. Ettlinger, The Sistine Chapel Before Michelangelo: Religious Imagery and Papal Primacy, Oxford, 1965, pp. 120-1 (new transcription by Tom Henry published in J. M. Cardinal Mejìa, A. Nesselrath, P.N. Pagliara and M. De Luca, The Fifteenth Century Frescoes in the Sistine Chapel (Recent Restorations, vol. IV), Vatican City, 2003, p. 70).

Last modified 2009-03-24 18:10:47.731383+00:00

• Transcription

Et convenerunt ac promiserunt ipsi depictores eidem domino Johanni Petri superstanti locatori nomine dicti sanctissimi domini nostri pape dictas decem istorias cum earum cortinis ut predicitur depingere et finire hinc ad quintamdecimam diem mensis marcii proxime futuri, cum precio solutionis et extimationis ad quam seu quod extimabuntur istorie iam facte in dicta capella per eosdem depictores, sub pena quinquaginta ducatorum auri de camera pro quolibet eorundem contrafaciente, quam penam sponte sibi imposuerunt et ad quam si contrafacient incidi voluerunt et volunt, que pena aplicari debeat fabrice dicte capelle etc. Et pro predictis omnibus et singulis ipsi depictores obligarunt se et omnia eorum et cuiuslibet ipsorum bona presentia et futura et quilibet eorum tenetur pro alio contrafaciente et predicta non observante sive observantibus etc. in meliori et strictiori forma camere etc. Submiserunt se etc. Renunciarunt etc. Constituerunt procuratores etc. Et iuraverunt etc. Fiat in ampliori forma etc. Et etiam ex pacto fuerunt concordes quod quedam obligacio per dictos depictoris alias facta dicto Johanni Petri superstanti super pecuniis per eos receptis et recipiendis ratione dicte depicture maneat in suo valore et robore etc. Presentibus venerabilibus viris dominis Marino de Monte Alto et Baptista de Spello camere apostolice notariis pro testibus et me Johanne Gerones eiusdem camere notario rogato.