• 175
  verso
• 176
  recto
• 176
  verso
• 177
  recto
• 177
  verso

Type:Notarial
Language:Latin
Transcription Author: Tom Henry
Transcription Date: 2011-01-12
Published: yes
Publication Details: Published by P. Bologna, Tre Documenti Cortonesi di Storica Artistica, Florence, 1896, pp. 5-23.
Notes:He also made a codicil on 26.8.1490, loc. cit., fols. 209v-210r.

Last modified 2011-01-11 00:57:00.936497+00:00

• Transcription

1490 die 26 februarii Testamentum Gilii Luca magistri Venture In Dey nomine. Amen. Anno eiusdem a salutifera Nativitate millesimo quadrigentesimo nonagesimo, Indictione VI, sanctissimo Domino Nostro Innocentio pp. octavo Residente. Actum in domibus ecclesie et conventus s. Augustini, in refectorio dicti conventus inter claustrum et ecclesiam s. Augustini, presentibus fratre Augustino Nardi Dellena, fratre Ugolino Luca Bianchalana, fratre Batista Iacobi de Bucho et frstre Macteo Petri Mactei Bernardi, omnibus fratribus s. Augustini de Cortona, et Antonio Orlandi Facentis, Dominicho Antonii de Modana de Cortona et Andrea Cioli Andree Cioli, omnibus de Cortona testibus ab infrascripto testatore bene cognitis vocatis [et rogatis] et ipsum cognoscentibus. Die vero vigesima sexta mensis februarii. Gilius quondam Luce Angeli magistri Venture de Cortone sanus per Dey gratiam corpore mente et intellectus, licet senectute gravatus, timens improvisum casum mortis, cuius hora omnibus ets incerta, nolens more intestatus ne post eius obitum aliqua schandali materia valeat et oriri possit et maxime inter [….] liberos et filios, sed potius evitare desiderans, et volens et desiderans eius filios in pace ponereut perpetuo in pace vivant et cuilibet ipsorum debitam partem bonorum suorum asignare testando inter liberos et cuilibet partem et ratam asignando bonorum suorum per hunc suum ultimum testamentum qui vulgo dicitur sine scriptis bonorum suorum dispositionem in hnuc modum et formam facere procuravit et fecit. In primis quidem animam suam omnipotenti Deo recommendavit et corpus suum quando mori contigerit voluit sepelliri in ecclesia seu cimiterio plebis s. Marie in sepulcro suorum antiquorum, cui ecclesie amore Dey et pro eius anima reliquit duos florenos auri convertendos in fabricha dicte ecclesie prout oparario [sic] dicte fabrice tunc videbitur utilius expedire, et in eadem ecclesia reliquit fieri per eius heredes unum officium mortuorum infra octo dies prout viedbitur infrascriptis eius filiis et plebanis plebis. Sacerdotes invitentur ad dictum officium prout est consuetum, et [ex]pendant sui filii et heredes quantum eis placebit.