Location: Archivio di Stato, Siena
Sub-Location: Notarile Antecosimiano, 525, Giovanni di Daniele, 1483-7, [no fol. ref.].
Type:Notarial
Language:Latin
Transcription Author: Tom Henry
Transcription Date: 2011-01-12
Published: yes
Publication Details: Published by M. Seidel, ‘Die Fresken des Francesco di Giorgio in S. Agostino in Siena’, Mitteilungen des Kunsthistorischen Institutes in Florenz, XXIII (1979), pp. 3-108, p. 97 note 30.

Last modified 2011-01-12 09:17:49.234779+00:00

Eustochia and Antonio Bichi acquire responsibility for chapel in Sant’Agostino, Siena

Dates: 15.10.1487
Pro domina Eustochia et extensum in libro extensorum, folio 108. Require pro mandato domini Antonii in libro, folio 107. Anno Domini MCCCCLXXXVII, indictione VI, die XV octobris. Congregato et convocato capitulo fratrum conventus Sancti Augustini de Senis ad sonum campanelle, ut moris est, in Sacristia dicte ecclesie ubi capitulum congregari solet, de mandato venerabilis viri magistri Alexandri Nelli, prioris dicti conventus, in quo quidem capitulo intervenerunt infrascripti fratres qui sunt dues partes et ultra fratrum dicti conventus etc., sibi invicem dicti prior et fratres consentientes dederunt concesserunt et donaverunt spectabili militi domino Antonio de Bichis, patri et procuratori egregie mulieris domine Eustochii eius filie et relicte uxoris olim domini Christofori Ghini de Bellantibus de Senis, ut de suo mandato constat manu mei notarii, presenti recipienti et acceptanti pro dicta domina Eustochio et suis heredibus et successoribus, unam ex quinque cappellis que sunt in facie maioris altaris, videlicet ultimam in angulo dicte faciei a dextris et secus cappellam de Tegliaccis, cum omni de pertinentis et suo edificio facto hactenus. Ac etiam promiserunt replere pavimentum usque ad planum et lateribus pavimentum cohoperire sumptibus et [expensis] ecclesie. Et versa vice dictus dominus Antonius procurator predictis promisit et se dicto nomine obligavit dictam cappellam fulcire duplicibus paramentis, videlicet ferialibus et festivis, qualitatis et valoris ut eidem placuerit. Item davanzalia et tobalia altaris dupla, similiter valoris et qualitatis de quibus eidem placuerit. Item facere fenestram vitream ut sibi vodebitur. Item tabulam et calicem pro dicta cappella. Item promisit et dicto nomine [se] obligavit emere pro dote dicte cappelle tot bona stabilia, videlicet apotecas aut possessiones ex cuius pensionibus vel fructibus percipiantur floreni duodecim singulis annis, quas emere promisit infra quattuor annos proximos. Et interim, durante dicto tempore et ultra quousque fuerit facta emptio vel consignatum pretium pro dictis rebus, promisit singulis annis solvere dicto conventui dictos florenos duodecim. Et hoc facere promisit dictam dominam Eustochiam ob devotionem et pro anima dicti domini Christofori ac etiam [pro] salute anime ipsius domine Eustochie. Et quod dicti fratres teneantur et debeant qualibet ebdomada in perpetuum dicere in dicta cappella 4 missas, quarum una sit de mortuis. Item festum Sancti Christofori singulis annis celebrare, et die sequenti offitium pro mortuis. Que omnia invicem observare promiseret contra non facere et dictam donationem non revocare. Pro quibus obligaverunt [etc.] Renuntiaverunt [etc.] Iuraverunt [etc.] Cum guarantigia [etc.]. Quorum fratrum nomina hec sunt. Magister Alexander Nelli, prio[r] Magister Franciscus Leonardi de Senis Magister Andreas fratris Nicolai de Senis Magister Mariani Francisci de Senis Frater Paulus Francisci de Senis, subprior Frater Laurentius Antonii Frater Ieronymus Petri de Bononia, lector Frater Valerius Petri Turini de Castro Plebis Frater Iohannes Iohannis de Alamania Frater Iacobus de Pulcino Frater Dominicus Gasparis de Apulia Frater Federicus Iohannis de Alamania Frater Bartholomeus Pauli de Venzona Frater Thomas Vincentii de Vratislavia Frater Iohannes Iohannis de Alamania Frater Raynerius Henrici de Colonia Frater Iohannes de Constantia Frater Theobaldus Iohannis de Spira Frater Sifridus Erbagasti de provincia Reni Frater Alfonsus Ricciardi de Roma Frater Sebastianus Lazari de Ianua Frater Petrus Paulus de Sicilia Frater Iohannesbaptista et Frater Nicolaus Nicolai Fallesome de Senis Actum in sacristia ut supra, coram magistro Luca Antonii Angeli et magistro Petro Bastiani Tinelloccii medicis testibus.