Luca Signorelli

Nicolai de Baldellis, nec non nobilis viri Valerii Rosati de Passarinis, civis cortonensis, prioris dicte fraternitatis, sui antecessoris. Et desiderans, ut dixit, novam tabulam ligneam inceptam tempore quo erat prior dictus Valerius et proximis decursis diebus completam, ad altare maius dicte ecclesie cathedralis habere suum debitum ornamentum et picturas a latere anteriori dicte tabule, ad decorem et ornamentum dicte ecclesie et maiorem totius populi devotionem: idcirco, dictis modis et nominibus, ex eius certa scientia etc., dedit, locavit et concessit eximio pictori magistro Luce Egidii Venture de Signorellis, civi cortonensi, presenti, conducenti, stipulanti et recipienti pro se suisque heredibus et successoribus, opus nove picture dicte tabule, scilicet a parte anteriori tantum, videlicet plani sive quadri anterioris, videlicet fighuram nostre gloriosissime matris Virginis Marie assumpte in gloriam, cum angelis ab utroque latere ipsius Assumpte, et cum seraphinis et cum sepulchro dicte gloriosissime Virginis et omnibus apostolis circumdantibus dictum sepulchrum, prout in quodam designo in carta de bombici cum carbonibus facto et ostenso per dictum magistrum Lucam apparet. Promictens dictus magister Lucas per se et suos heredes dictam tabulam pingere et opus predictum facere optimis coloribus, et adveniente decimoquinto die mensis Iunii proxime venturi dare principium picture dicte tabule, quia isto interim dictus magister Lucas promisit vacare ingessatione dicte tabule. Et elapso dicto decimoquinto die Iunii, non vacare alicui alteri picture nisi dicte tabule usque quo fuerit expedita, et pro viribus quanto citius fieri poterit et divina gratia eidem subminixtrabit, expedire et perficere. Et predicta fecerunt pro pretio declarando per duos optimos pictores et in arte picture magistros

Luca Signorelli contract for Assumption of the Virgin for the high altar of Santa Maria della Pieve, Cortona